Nýr deildarstjóri hefur verið ráðinn á Ás. Hún heitir Guðný Elísa Guðgeirsdóttir og er leikskólakennari.

Guðný Elísa hefur störf´um mánaðarmótin ágúst september.

         Barnamenningarhátíð 

Í næstu viku er barnamenningarhátíð í Reykjavík. Hátíðin fer fram víðsvegar um borgina; ofan í sundlaugum, uppi í Esjuhlíðum, á skólalóðum, á öldum ljósvakans og á götum úti.

Hátíðin fjallar um menningu barna, menningu með börnum og menningu fyrir börn. 

Við í Ásborg ætlum að sjálfsögðu að taka þátt og verður ýmislegt skemmtilegt á dagskrá.

 Einnig viljum við benda foreldrum og öðrum áhugasömum á mjög fjölbreytta dagskrá hátíðarinnar sem hægt er að nálgast á vefslóðinni   barnamenningarhatid.is  og á heimasíðu leikskólans Asborgin.is.

                                        Góða skemmtun

                                                     Starfsfólk og börn í Ásborg

Barnamenningarhátíð 19 -23 Apríl            

Langholt:  Verður  með myndlistarsýningu á Hrafnistu

Mánudaginn 19 Apríl kl 13:00 setjum við upp sýninguna og kl 13:30 verður formleg opnun og þá ætla börnin að syngja 2 lög.

Sýningin mun standa yfir til 23 Apríl.

Dyngjan:  Ætlar að bjóða yngri  deildum á söngskemmtun í salnum hér í Ásborg.

Barnhóll:  Miðvikudaginn 21. Apríl ætla börnin á Barnhól að mála stórt útilistaverk á byggingarplast ,  það verður til sýnis fyrir foreldra og börn.

Ás:  Verður með myndlistasýningu í safnaðarheimilinu í Áskirkju. Sýningin verður sett upp þriðjudaginn 20 Apríl  kl 14:00 og verður til 27 Apríl.

Langisandur:  verður með myndlistasýningu í elstu sjoppu landsins Sunnutorgi..

Álfabrekka: Verður með eitt stórt samvinnuverkefni á myndlistarsýningu á Hrafnistu.

Vegna eldgossins í Eyjafjallajökli og öskufalls frá því hefur Leikskólasvið Reykjavíkur haft samband við Landlæknisembættið.

Leiðbeiningar sem fengust hjá Landlæknisembættinu eru þær að á meðan ekki sé öskufall í Reykjavík sé öllu óhætt varðandi útiveru barna. Það er hins vegar sjálfsagt að fylgjast vel með hvort breytingar verða á vindátt og þá þeim leiðbeiningum sem gefnar verða út varðandi þetta. Heimasíða embættisins er á slóðinni http://www.landlaeknir.is/

Hér með er einnig slóð inn á frétt mbl þar sem fram kemur að tilmælin um rykgrímur eigi við þar sem um sjáanlegt öskufall sé að ræða. http://mbl.is/mm/frettir/innlent/2010/04/15/folk_gangi_med_rykgrimur/
 

Einnig bendi ég á mbl.is veður en þar má finna upplýsingar um svifryk og loftgæði í Reykjavík.

Jóna Elín leikskólastjóri.